نئےدوست ءُ دژمنی ءُ دل ءِ یار من کجا
اگبال زندگی ءِ سرا بار من کجا
وائے دو روچی عمر کہ بے مز ءُ بے متاں
کوکار ، جاک ، وائی ءُ آزار من کجا
شالا گوں درک ءُ تردّگ ءَ کرزیت ہزار دل
واریں زمین ءِ پرشتگیں دیوار من کجا
نودانی شنزگ ء بہ بیت ساپاریں مہپرے
دنزانی راه ءُ رہسر ءِ گیوار من کجا
سہت ءُ ادار کے بہ جل احوال ءُ حالاں بر
چے ہست قاصد ءَ را دگہ کار من کجا
تو چے وفاحبر کن ئے نازانت کس نہ انت
رفتگ پہ شائران ء غزل گار من کجا