من گمیگاں تو گمیگ ئے بیا گماں کلّ کنیں
شنک جنیں راہ ءَ گم ئیگ ءَ چار گور ءَ پل کنیں
گم اگاں بئیت ءُ بُٹکّ اِیت پہ تمردی مئے در ءَ
ھنچش ئِے چوپیں گوں مشتاں گوشبن ئِے چل کنیں
دژمن انت بنیادم ءِ شوم ءَ ھڑّکہ کش اِتگ
مرچی بیا اِے شِرّ ءِ نام ءَ ”میتگ ءِ ڈلّ“ کنیں
درستیں دنیا ئِے پتاتگ پشنکپتگ زانتکار
ڈلّ ءِ جاگاہ ءَ بیا، نام ءَ ئِے کیٹگ ءِ ولّ کنیں
بے گمیں انسان مہ باتیں عابدؔ دنیا ءِ تہ ءَ
بیا گم ءِ دیم ءَ من ءُ تو گردناں شل کنیں