کہ تو پُلے پہ بدواہءَ چگل دات
دو دل دنیا، 2008
شمبے 30 اپریل 2005 · کپّر ءِ دریا
شِنگ کن:
کہ تو پُلے پہ بدواہءَ چگل دات
وتی دل من ہما جاہءَ چگل دات
من چم بست انت تئی دیمءَ مہ گنداں
منی پاداں منا چاہءَ چگل دات
ہمے پُلے کہ تئی گیوارءِ براہ انت
گلابءَ کپت یا ماہءَ چگل دات
ہما انت جنت منا وابءِ شگانءَ
دمانے سر پہ سرجاہءَ چگل دات
روان ات گوں جنکاںسمبہانءَ
چو مزواک ئے منا راہءَ چگل دات
آ زوراکءَ منا چو باگءِ پُلءَ
سباہءَ سستءُ بیگاہءَ چگل دات
ہزاراں سر پہ تئی نامءَ پدا ات
ترا وہدءَ پہ ناڑاہءَ چگل دات
چگل چونا و ہرپیمءَ حراب انت
منا ڈولیؔ تو بے براہءَ چگل دات