گوں روکیں دیدگاں پرچی نہ گندئے
اے دمبیں میتگاں پرچی نہ گندئے
ہمک دمک ءَ شُدیک ءُ بے نکاناں
گوں ہورکیں کاسگاں پرچی نہ گندئے
ماں رنگءَ حاکم ءُ ہستگار ءُ میرءِ
اے ڈونڈواریں سگاں پرچی نہ گندئے
ہمک تہریں گُد ءُ پوشاکءِ لاپءَ
اے سیریں برہنگاں پرچی نہ گندئے
طبیب ءُ ڈاکٹر ءُ نرس ءِ لباسءَ
اے مرگءِ پریشتگاں پرچی نہ گندئے
اولسی لیڈر ءُ راج مسترانی
اے کولءِ بجّگاں پرچی نہ گندئے
مہ ڈوبار چو منا ساحر مہ ڈوبار
پہ زندءَ مُرتگاں پرچی نہ گندئے