اے گلزمین بُزآزمان ءَ رسول ءِ نام اِنت
ہمے جہان ءُ ہما جہان ءَ رسول ءِ نام اِنت
اے دنیا پیسرودی نہ بوتگ کہ نام ئِے بوتگ
پہ بے نشان ءُ ہمک نشان ءَ رسول ءِ نام اِنت
جہان ءِ آترْاپ، زمین ءِ چیرءَ یا عرش ءُ کُرش ءَ
ہمک سہت ءُ ہمک دمان ءَ رسول ءِ نام اِنت
من مروچی دونفل بواناں بلکیں ہُدا بیت رازی
قرآن ءِ حرفاں رسول ءِ شان ءَ رسول ءِ نام اِنت
من داد قرباں بباتاں پاکیں رسول ءِ نام ءَ
منی دلءَ ءُ منی زبان ءَ رسول ءِ نام اِنت