بَدبَھتی ءِ سَوگاتاں اِمروز ءِ کَوار ءَ کَنت
بْراتےکہ بہ بِیت دُژمِن سَددُژمِنءِکار کَنت
ھُونانی دْردءِ آماچ جْونانی بَزیں جَنگَل
شانتُل تئی شینزارگ تِیرانی تَوارءَ کَنت
پَجّار نہ بِیت اندیم زور منّی ءِ باپُشت ءَ
جمپے وت ءَ شاھمیریں کُوھانی کَتارءَ کَنت
سمیسر چہ متُرسانی ھُونانی شَلاں سَاکم
بےلجّیں لَگوراُوستءَپہ چرپیں دَپارءَکَنت
سَرسُوچ نہ بنت ارمان مِنج باریں کھیرانی
شنزاپ تبیں مُولم رچک ءَ پہ لوار ءَ کَنت
بالاچ نَمیران اِنت ، بالاچ سَلاہ بندیں
بالاچ مُدام کُوھاں ھُوکّانی شِکارءَ کَنت