شئر

زاناں گیوار گُل ءَ رَست، پدا

زاناں گیوار گُل ءَ رَست، پدا شِلّیں دَرداں منا ماں بست پدا

دُچار ئی کُت مَنا گوں پُل گُد ءَ، ھزار بَر ءَ

دُچار ئی کُت مَنا گوں پُل گُد ءَ، ھزار بَر ءَ ورات دِل چشیں شھدیں رَد ءَ، ھزار بَر ءَ

بارگ بالاد ءُ کمان مِیانیں گُل اَنداماں بِہ بَر

بارگ بالاد ءُ کمان مِیانیں گُل اَنداماں بِہ بَر چہ مئے چاگِرد ءَ اِے نازُرکیں سُبک گاماں بِہ بَر

مُدام پِیسک اِیت پہ دوست ءَ پُل گُدین ءَ

مُدام پِیسک اِیت پہ دوست ءَ پُل گُدین ءَ چوں سَھڑیناں دل ءَ ناسَرپدین ءَ

گیرے منا پتاهیت کیفے کرار دنت

گیرے منا پتاهیت کیفے کرار دنت آ آهگءَ نئیت بلئے انتزار دنت

شُتگ هرکس چداں واتر کُرتکگ

شُتگ هرکس چداں واتر کُرتکگ منی بازیں گماں دلبر کُرتکگ

بے نامیں منزلے ءُهیالانی در کُجا

بے نامیں منزلے ءُهیالانی در کُجا سرگپتگیں کُجاءُبہ بارتیں سپر کُجا

جتہ نو موسمءَهچ سر نہ داریت

جتہ نو موسمءَ هچ سر نہ داریت منا دیوالءُ دمکءُ در نہ داریت

تی دوریءِپربند گوں پریاتءَدراتکگ

تی دوریءِ پربند گوں پریاتءَ دراتکگ اے دل تی زندانی ءَ آزاتءَ دراتکگ

دل کہ تی ترانگءِملارءَبیت

دل کہ تی ترانگءِ ملارءَ بیت پورا یکّے منا توار ءَ بیت

اَنچو پہ دیم هَرکَس دلبر کُت نہ کُتگ

اَنچو پہ دیم هَرکَس دلبر کُت نہ کُتگ تی گِستائی زِردءَ باور کُت نہ کُتگ

پورا یکے نِدارگ ءَ ایں منا

پورا یکے نِدارگ ءَ ایں منا چارگءَ ایں نہ چارگءَایں منا